Proclamatie Prins Merel 1

Ranzel, 4 januari 2025

Ich, Merel Eussen, bie de gratie van de Wuif,Prinses van d'r Lubosh tot d'r Moasj, van de Koule tot aan gen Beukelskoel, van 't Ransdalerveld tot Termaar, maak aan uch 't volgende bekind.

Punt 1:

Ich, Merel Eussen, bin geboare in 1997 en opgegreujd neave 't autobedrief aan de Ransdalerstroat.

Punt 2:

Es Ranzels meadje, hej ich neet durven druijme um mit de carnaval i Ranzel veurop te moage goa, juus wie pap, es prins, en Esmée, es jeugdprinses, dat al ieder hubbe gedoa.

Punt 3:

Zo wie deer ziet sjteit miene vrund Mart neet neave mich op de bühne. Hea steit leever in d'r zaal mit 'n colaatje in de heng.

Punt 4:

Bie SCKR bin ich mit voetballen begós. Doa höb ich tösje de jongens ummer mien menneke kinne sjtoan, dus dat zal hie mit dees mannen oach waal good koame.

Punt 5:

Tegenwoordig sjpeel ich op Dames 1 van VV Hellas-RKSVB én op het 7-tal van RKSVB. Ein duel goan ich neet oet d'r weag, dus 'n blauw plek hie of doa huèrt derbie.

Punt 6:

Sinds 'n paar joar höb ich 't plezeer in het wielrennen óntdèk. Mit pap maak ich dan oach gear ing runde durch't Heuvelland of op 't Belsj.

Punt 7:

Tiedens mien studie in Eindhoven höb ich eine daag doa carnaval gevierd mit hetgeen dat Brabanders onger carnavalsmuziek versjtoan. De daag d'rnoa wist ich neet wie sjnel ich d'r trein noa 't Zuuje moos pakken.

Punt 8:

Noa de studie bin ich es development engineer bie Fortimedix Surgical begós. Al zal d'r binnekort Medtronic op d'r gevel sjtoa.

Punt 9:

Op carnavalszondig höb ich in versjillende samenstèllingen d'r optocht i Ranzel mitgeloape. De lètste joare weit ich mien auwers zo gek te kriege um mit mich mit te doon.

Punt 10:

Boete Ranzel bin ich in Gen Berg in d'r optocht truuk te vinge mit de Tankeldreudjes. Doaneve bin ich doa al joare leiding bie 't jeugdwerk.

Punt 11:

Dat de Wuif het mit mich es hoogheid aandurft tiedens hun 5x11 joarig besjtoan, ving ich ongeluifelik sjiek.

Doarum hoap ich dat geer net zo veul zin höb um samen dees vasteloavend te beleave, mit sjpas en plezeer op de Ranzelse maneer!