De 11 punten van Prins Sandro I
Geplaatst door Secretariaat op 22 januari 2017 | 09:46:20


De 11 Punten van Prins Sandro I


Punt 1: Ich bin dr Sandro Kremer, zoon van dr John en ’t Marleen, broar van ’t Shaylie en sjoenbroar van dr Tomas. Al 23 joar woon ich i Ranzel. Es nuuje prins van de CV de wuif en es gemeinteprins, zal ich Ranzel same mit uch, 2 moand lank op dr kop zitte. Vreug of laat, nuchter of zaat.


Punt 2: Mien motto hub ich geklauwt van n bekinde band die hie venoavend optreant: Ich bin doa es get te doon is, dat is get wat gans gewoon is.


Punt 3: Tam tam make, dat zit bie os in de familie, sjtil zitte is nieks veur mich, dus alles dr aan doo veur n geweldige carnaval te make, dat bin ich verplich.


Punt 4: Toen ich net kos loupe, hei ich dees café al va binne gezee bie ’t Fien of d’r Herm op dr erm. Die drienende krukke vong ich geweldig, later hub ich t nog vaker zee driene.


Punt 5: 2 van mien eigenschappe zint ierlik en direct, esse nieks zeas kinse oneet leege, vroag mer aan mien ouwesj.


Punt 6: Ich bin mit plezeer nt liere vr docent Aardrijkskunde, es ich dr weag nemie ving kin ich in elk geval nog kaartleaze.


Punt 7: Es biebaan wirk ich in de frituur i Ranzel, vr wea zich aafvreug woarum ich de aafgelope 4 joar zoe veul kilo’s bin aangekomme.


Punt 8: Es ich neet nt liere of nt wirke bin, sjut ich mich gear inne in. Same mit mien vrung bin ich al mennige plaatsj in zuid-limburg aafgegange, woa soms waal es luuj aan t einde van dr oavend laam dr bie hange. (en joa joris, de heis geliek!)


Punt 9: Luuj die mich get beater kinne die weite, ich kin zelde paniek. Misjien kump dat durch miene sjmaak veur österiekse volksmusik. Of ’t noe mit carnaval of op n oktoberfest is, die oavende hub ich zelde gemis


Punt 10: Loat vr mer beginne mit veul plezeer en inne goeie pot beer. Goeie road is ummer fijn, neet te veul zeike en goa wie inne trein!


Punt 11: Dat bedinkt ger uch mer zelf. Langzamerhand genog gekalt, ich kos nieks mie verzinne, tied dus dat ’t feest geit beginne! Alaaf!



Uitgebreid nieuws